Владимир Дади Ангеловски – 12 години без легендата на македонското глумиште

Денес, 15 ноември, се навршуваат 12 години од смртта на Владимир Ангеловски, попознат како Дади, човекот чие име е синоним за македонската актерска уметност. Роден на 22 мај 1946 година во Скопје, Дади остави неизбришлива трага на сцената, пленејќи ги генерациите со својот талент, харизма и несекојдневна енергија.

Од млад талент до глума величина
Глумачката приказна на Дади започнала рано, уште во Радио драмата, каде трипати бил прогласуван за првак на Југославија во детска радио-драма. Првпат на театарска сцена стапнал во 1962 година, играјќи ја улогата на Оливер Твист во претстава режирана од Димитрие Османли. Неговата љубов кон глумата го води до Драмски театар – Скопје, каде во 1966 година станува член и останува верен до крајот на животот.

Незаборавни улоги и проекти
Дади блескаше во бројни театарски, филмски и телевизиски проекти. Неговите улоги во култните детски серии „Чук, чук Стојанче“, „Баш челик“ и „Шекспир во приказни“ се дел од колективното сеќавање на многу Македонци.

Неговата хемија со братот, режисерот и актер Коле Ангеловски, се покажа како магична во проекти како серијата „Да видам, да видам што да бидам“ и филмот „Солунски патрдии“. На филмското платно остави белег со улоги во дела како „Мементо“, „Викенд на мртовци“, и „Калигула“, а на театарските даски блескаше во претстави како „Мефисто“ и „Дунек“.

Неговиот уникатен хумор беше најмногу видлив во телевизиската програма „Хихирику“, која со својата оригиналност остана во срцата на многу гледачи.

Човек на естрадата и народот
Дади беше еден од ретките актери кои без тешкотии преминуваа од театарската сцена до естрадата. Со своите настапи во Австралија, тој ја пренесуваше македонската култура до дијаспората. Беше редовен дел од „Глумците пеат“, настапувајќи 9 години по ред, колку што постоеше и самата манифестација.

Признанија за животно дело
За својот извонреден придонес, Дади беше добитник на голем број награди, меѓу кои 13 Ноемвриска награда, Климент Охридски и признанија на фестивалот Ристо Шишков.

Наследството на една легенда
И по 12 години, спомените за Владимир Дади Ангеловски остануваат живи преку неговите улоги и влијанието врз македонската култура.

Нека е вечен споменот за овој извонреден уметник и човек кој ни подари моменти за паметење!