Волшебни и хумористични илустрации создадени од секојдневни предмети

Кристоф Ниман носи многу епитети: уметник, автор и аниматор. Веројатно сте ја виделе неговата работа на насловните страници на големите списанија како „Њујоркер“, „Национал географик“ и „Њујорк тајмс магазин“. Но, Инстаграм е негово игралиште, особено со неговите „неделни скици“. Таму тој ја работи својата магија, претворајќи ги секојдневните предмети во волшебни илустрации кои се поврзуваат со луѓето ширум светот.

„Се обидувам да дозволам објектот да диктира каде одам. Избирам случајен предмет, го ставам на моето биро, а потоа почнувам да зјапам во него, очајно надевајќи се дека нешто ќе кликне. Се обидувам да се справам со овие слики без апсолутно никаков план за крајниот резултат. Барам необичен агол што води до визуелна врска што е изненадувачка за мене (и за гледачот)“, изјави уметникот.