Голем инцидент во НБА: Гобер го нокаутираше Јокиќ, следуваат казни?

Во последниот натпревар помеѓу Минесота Тимбервулвс и Денвер Нагетс, синоќа се случи неверојатен инцидент. Францускиот кошаркар Руди Гобер го удри Никола Јокиќ со лакт во главата, а сè укажува дека тоа било намерен потег. Во спорната ситуација, Гобер можел да го избегне контактот, но очигледно одлучил да го удри Јокиќ, кој потоа се струполи на подот и се превиткуваше од болка.

Оваа сцена предизвика шок и осуди, а многумина се надеваат дека НБА лигата ќе реагира со дисциплинска мерка против Гобер. Ова не е прв пат во лигата да се случат вакви инциденти, но потегот на Гобер беше навистина неочекуван и предизвика огромни реакции на социјалните мрежи.

Натпреварот заврши со тесен пораз на Денвер, 119:116. Во последната секунда, Јокиќ имаше шут за израмнување, но за жал не успеа да погоди. И покрај поразот, Јокиќ заврши со одлични 26 поени, 9 скока и 13 асистенции, уште еднаш покажувајќи зошто е еден од најдобрите играчи во лигата.

Видеото од инцидентот веќе кружи на интернет и предизвикува бурни реакции. Погледнете како изгледаше:

Rudy Gobert was assessed a flagrant 1 foul for this elbow on Nikola Jokic. pic.twitter.com/wHfDmWptB3

— ESPN (@espn) November 2, 2024