Епидемијата се шири во регионот: По Словачка, Лигавка и Шап потврдена и во Унгарија – се затвораат граници!

Неколку држави од Централна Европа веќе еден месец се борат со ширење на опасна болест. Епидемијата на Лигавка и Шап предизвика воведување вонредна состојба во Словачка. Мерката е во сила уште од 8 април.

Вонредни мерки презедоа и соседните земји. Најзасегнати се Австрија, Унгарија и Полска. Голем број гранични премини кон Словачка се затворени за одреден тип транспорт.

Низ Словачка се вршеа масовни ликвидации на добиток. Ова се случуваше на фармите каде беше потврдена болеста. Направени се големи сточни гробници. Според владините извештаи, ликвидирани се вкупно 1.842 грла добиток.

Моментално нема нови жаришта во Словачка. Сепак, вонредната состојба останува на сила. Министерот за земјоделство Рихард Такач ги предупреди фармерите. Оние кои не ги почитуваат мерките нема да добијат оштета. Инспекциите веќе откриле три фарми што не ги почитуваат правилата.

Словачките медиуми јавуваат за тешка состојба и во зоолошките градини. Тие се затворени за посетители веќе еден месец. Одлуката е донесена по првите случаи на болеста во средината на март. Сцените од празните зоолошки за Велигден беа сабласни.

Затворањето е превентивна мерка. Целта е да се спречи внесување на заразата од луѓе. Од Лигавка и Шап се загрозени многу животни. Покрај говеда, свињи и кози, ризик има и за антилопи, кенгури, лами, биволи, нилски коњи, жирафи…

„Ризикот од пренесување на оваа инфекција преку луѓе е навистина висок“, изјави Вероника Даничова од Министерството за земјоделство. Кога зоолошките ќе се отворат зависи од елиминирањето на вирусот. Ова е и голем финансиски удар за нив.

Ситуацијата е напната и во Унгарија. Минатиот четврток (17 април) болеста се појави на уште една фарма. Се работи за селото Рабопордањ, близу словачката граница. Ова е петто жариште во Унгарија. Информацијата ја потврди министерот за земјоделство Иштван Наѓ.

Преземени се итни мерки. Околу 600 говеда на фармата прво ќе бидат вакцинирани. Потоа, согласно протоколите, ќе бидат убиени. Во тек е и епидемиолошка истрага во селото.

И Полска презеде мерки. Од 18 април е ограничен влезот на возила. Ова важи за транспорт на добиток и предмети што може да ја пренесат болеста. Ограничувањето е на три гранични премини со Словачка во Шлеска област.