„Збогум, легендо!“ Volkswagen го заврши производството на Polo по 40 години во Европа

По цели 40 години, Volkswagen ја прекина производството на својот легендарен модел Polo во фабриката во Памплона, Шпанија. Од сега, моделот за европскиот пазар ќе се произведува во Јужноафриканската Република. Памплонската фабрика ќе биде целосно реновирана за да се подготви за новата ера на електрични возила. Производството на Polo во Шпанија заврши во јули 2023 година, со вкупно 8,4 милиони произведени единици.

Иако продажбата на Polo опадна во последните неколку години, автомобилот сè уште има значајна улога за брендот. Во првите осум месеци од 2023 година, продадени се нешто над 90.000 примероци, што го рангира на респектабилното осмо место меѓу најпродаваните автомобили во Европа. Производството на првата генерација Polo започна во 1975 година, а фабриката во Памплона почна да го склопува моделот во 1984 година. Последниот произведен примерок во јули, сина боја со Stile опрема и 95 коњски сили, означи крај на ерата.

Иако се произведени милиони Polо модели во текот на четирите децении, VW одлучи дека фабриката во Јужна Африка е доволна за понатамошно производство. Покрај Polo, во Памплона се произведуваа и популарните SUV модели T-Cross и Taigo, чија продукција ќе продолжи. Фабриката ќе биде прилагодена за производство на новите електрични модели, меѓу кои се и Volkswagen ID.2 и Škoda Epiq.

Новите електрични возила ќе користат скратена верзија на MEB платформата, а фабриката ќе биде подготвена за нивното производство во наредните месеци. Исто така, моделите Volkswagen ID.2 и Cupra Raval ќе започнат да се произведуваат во фабриката на SEAT во Марторел, Шпанија, веќе од следната година.