Здравко Чолиќ донираше помош за жртвите од поплавите во БиХ: Легендата уште еднаш покажа големо срце

Регионалната музичка ѕвезда, Здравко Чолиќ, испрати камион со вода како помош за настраданите од катастрофалните поплави што ја зафатија Босна и Херцеговина. Со овој гест, Чолиќ повторно ја покажа својата несебична хуманост, повикувајќи ги сите да се солидаризираат со жртвите од овие тешки моменти.

Поплавите силно ги погодија градовите Јабланица, Коњиц, Кисељак, Фојница и Крешево, оставајќи зад себе огромна штета. Според најновите информации, животот го загубија 18 лица – 16 во Јабланица и двајца во Фојница.

Чолиќ, познат по својата долгогодишна музичка кариера и добродушност, уште еднаш се докажа како човек со големо срце, подготвен да помогне во тешки моменти.