ЗОШТО КУЧЕТО ВЕ ЛИЖЕ ПО РАКА? Еве која ПОРАКА се обидува да ви ја испрати!

Кучињата ги изразуваат своите емоции на многу начини. Некои се суптилни, а други се сосема очигледни. Иако не можат да зборуваат, тие имаат богат репертоар. Така ја покажуваат својата љубов и приврзаност.

Вашиот најдобар четириножен пријател може да покаже љубов на различни начини. Може да се потпира на вас. Може да ви ја носи омилената играчка. Но, постојат и други знаци.

Како кучето покажува љубов?

Слични сме со кучињата во изразувањето емоции. И ние и тие го правиме тоа на многу начини. Ако сакате да знаете дали вашиот миленик ве сака, еве ги знаците:

Ве лиже по раката, ногата, образот

Лижењето е чест гест на љубов и приврзаност. Според некои толкувања, кога кучето ве лиже, тоа всушност ве бакнува. Така ја покажува својата љубов.

Освен тоа, особено младите кучиња, така може да бараат храна. Но, лижењето може да биде и знак на покорност. Во дивината, послабите кучиња ги лижат посилните. Така покажуваат покорност и воспоставуваат хармонија во глутницата. Во домашни услови, кучето покажува дека знае кој е газда.

Одржува контакт со очите со вас

Дали би гледале во очи некого кој ве прави несигурни или загрозени? Сигурно не. Долгиот контакт со очи е резервиран за оние кои ги сакате. Тоа важи и за кучињата.

Одржувањето контакт со очите е корисно при тренинг. Но, помага и да создадете длабока врска. Кога кучето ве гледа долго, неговиот мозок лачи окситоцин. Тоа е хормонот на среќа и љубов кон вас.

Се тркала и го покажува стомакот

Ова е уште еден начин да покаже љубов и почит. Кога кучето се тркала на грб, тоа е дел од игра. Го прави тоа со луѓе кои ги сака и им верува. Покажувањето на стомакот е доказ за доверба. Тоа е место каде што се најранливи.

Овој гест значи дека кучето е целосно опуштено. Ужива во вашето друштво. Возвратете со галење по стомакот. Но, не го присилувајте да се преврти, довербата се заслужува.

Се потпира на вас

Кога кучето се потпира со целото тело на вас, тоа е знак на наклонетост. Исто така, може да бара и внимание. Ова однесување може да биде незгодно со големи кучиња. Доволно е да возвратите со малку внимание и галење.

Често кучињата ја ставаат главата во скутот на сопственикот. Ако престанете да го галите, може да ве поттурне со муцката. Тоа значи: „Продолжи, зошто престана?“

Спие во вашиот кревет (или блиску до него)

Ако не му дозволувате да спие во креветот, но тој инсистира да спие до креветот, тоа е знак на љубов. Често наутро може да го најдете и до вашата перница. Желбата да биде блиску до вас покажува лојалност. Не сака да биде одвоен од водачот на својата „глутница“.

Пресреќно е кога ќе дојдете дома

Размислете како се однесува кога се враќате дома. Дали скока околу вас, мавта со опашката? Дали ве лиже по дланките или образот?

Може дури и да се помоча од возбуда. И тоа е знак дека навистина му значите. Ако и вие го гушкате и му зборувате милно, неговата возбуда расте.