Колку долго откако ќе се сварат јајцата смеат да се јадат и дали зелената жолчка е опасна?

Секоја година тешко проценуваме колку јајца би требало да свариме и обоиме за Велигден, па затоа и цела недела по вапцањето и кршењето обично се јадат.

Но, ретко кој е свесен за фактот дека варените јајца имаат значително пократок рок од свежите.

Основното правило е дека по варењето, јајцата би требало да се чуваат во фрижидер, а не во кошничка, на собна температура како што тоа го правиме деновиве.

Симптомите од труењето со расипани јајца варираат од блага подуеност и промени во варењето на храната, па до мачнина и повраќање.

Просечно, ако ги чувате јајцата на собна температура – треба да ги изедете истиот или најдоцна ден-два по варењето, додека ако константно ги чувате во фрижидер, може да издржат и до 6 дена.

Прв знак дека јајцето е расипано е остриот мирис кој потсетува на сулфур.

Дали јајцата со зелена жолчка се опасни?

Ништо помалку или повеќе од оние со жолта жолчка, ако се складирани на правилен начин.

Зелената боја не е знак дека јајцето се расипало, туку дека при варењето јајцето било изложено на превисока температура.