Милионер од Дубаи ѝ купи остров за да носи бикини, но овие правила мора да ги почитува

26-годишната инфлуенсерка Соуди Ал Надак од Британија, која се омажи за милионерот Џамал Ал Надак од Дубаи, живее живот полн со луксуз и екстраваганција. Двајцата се запознале додека студирале на универзитетот во Дубаи, а во декември 2021 година стапиле во брак. Соуди, која добива „само“ 182.635 евра месечен џепарлак од својот сопруг, споделува детали од нивниот живот на социјалните мрежи.

Еден од најнеобичните подароци кои го добила од Џамал е приватен остров вреден 44,8 милиони евра, каде што може да ужива во приватност, далеку од љубопитните погледи, што и овозможува да носи облека по свој избор. Островот моментално го чува за себе и својот сопруг, но планира да покани и други жени на ова луксузно одморалиште.

Соуди ја споделува својата приказна на TikTok за да ги сруши предрасудите за интеркултурните бракови. Таа истакнува дека нивната љубов е искрена, иако луѓето ја осудуваат и мислат дека таа го користи својот сопруг само поради неговото богатство.