Нешто најслатко што ќе го видите денеска: Во берлинската зоолошка градина родено многу ретко животно

Не, ова не е ракун, ова е бебе црвена панда.

Ретката црвена панда е родена во зоолошката градина во Берлин, само неколку месеци откако нејзините родители пристигнале од Индија, соопштила денеска зоолошката градина.

Младенчето е пронајдено на 6-ти јуни во пештерата во која живее неговата мајка, а сега има големина на морско прасе.

Полот на младенчето уште не е утврден и уште не добило име, пренесува “AP”.

Тоа е 10-тата црвена панда која ќе биде одгледана во берлинската зоолошка градина, како дел од меѓународната програма за заштита на загрозени видови.

Es gibt Nachwuchs bei den #KleinenPandas im #TierparkBerlin. Noch etwas verschlafen schaut sich das rot-braune Fellknäul vorsichtig um, gähnt kurz und rollt sich wieder zusammen🥰Am 6. Juni entdeckten die Tierpfleger das erste Jungtier von unseren #KleinenPandas Shine und Joel. pic.twitter.com/ABjP57ALqs

— Zoo Berlin (@zooberlin) July 30, 2020

Младенчето веројатно ќе биде изведено пред посетителите во септември, кога се очекува да ја напушти пештерата и да почне да го истражува отворениот дел од просторот за црвените панди.

Родителите на малата панда, мајката Шине и таткото Џоел, кои потекнуваат од Зоолошкиот парк Дарџилинг на Мали Хималаи, добро се чувствуваат во новотоокружение, се наведува во соопштението од зоолошката градина.

Живеалиштето на црвената панда е на истокот на Хималаите и во југозападна Кина.