Никола Јокиќ повторно блесна со трипл-дабл и нова победа за Денвер!

Српскиот кошаркар Никола Јокиќ продолжува со маестралните настапи, водејќи ги Денвер Нагетс до победа по возбудлива игра со продолжение против Бруклин Нетс, завршена со резултат 144:139. Јокиќ во својата препознатлива MVP форма, на теренот мина 40 минути, при што постигна 29 поени, имаше 18 скокови и 16 асистенции.

И покрај силниот старт на Бруклин, кои уште во првата четвртина остварија двоцифрена предност од 13 поени, Нагетс успеаја да се вратат во игра. Тимот на Мајк Мелоун издржа до крајот, а во продолжението со искуство и тимска игра дојдоа до својата втора победа оваа сезона.

Одлична поддршка од соиграчите

Освен Јокиќ, клучни за победата на Денвер беа и Ерoн Гордон и Џамал Мареј, кои постигнаа по 24 поени. Расел Вестбрук исто така даде значителен придонес со 22 поени. На страна на Бруклин, најдобри беа Денис Шрудер со 28 поени и 14 асистенции и Кам Томас со 26 поени.

Резултати од останатите натпревари во ноќта

• Минесота – Далас 114:120 (Едвардс 37 – Ирвинг 35)
• Јута – Сакраменто 96:113 (Кларксон 21 – Сабонис 28)
• Голден Стејт – Њу Орлеанс 124:106 (Хилд 28 – Вилијамсон 31)

Јокиќ покажува дека неговата форма е на највисоко ниво, носејќи го Денвер кон уште една успешна сезона.