Оригинален рецепт за руска салата со тајна состојка која ја избегнуваат многумина

Руската салата е незаменлив дел од прославите, но ретко кој ја прави според оригиналниот рецепт кој вклучува бело пилешко месо – главната состојка што го дава богатиот вкус на ова омилено јадење. За автентичен вкус, избегнувајте готов замрзнат зеленчук кој ја прави салатата вoденеста и користете свежо сечено.

Состојки:

• 400 гр пилешки гради
• 4 јајца
• 200 гр грашок (по можност свеж или замрзнат)
• 3 големи моркови
• 4 големи компири
• 10 кисели краставички или мала тегла корнишони
• 400 гр мајонез (за најдобар вкус, подгответе домашен)
• 100 гр шунка (по желба)
• Сол по вкус

Состојки за домашен мајонез:

• 1 јајце
• 1 лажица оцет
• 1 лажица сенф
• 500 мл масло

Подготовка:

1. Сварете ги пилешкото месо, морковите, компирите и грашокот. Откако ќе се сварат, исцедете ги и оставете да се оладат.
2. Ситно исечкајте ги компирите, морковите, пилешкото и краставичките.
3. Сварете и исечкајте ги јајцата, па измешајте ги сите состојки во голем сад. Додадете сол по вкус и шунка ако сакате.
4. За домашен мајонез, миксирајте го јајцето со оцетот и сенфот, а потоа постепено додавајте масло додека не добиете компактна смеса.
5. Измешајте го мајонезот со салатата, оставете ја да се излади во фрижидер и сервирајте ја добро оладена.