Полицијата го фатила за брзо возење, останале во неверување кога слушнале што им кажува

Дваесет и шестгодишен Полјак бил уапсен минатиот викенд откако со голема брзина престигнал полициски автомобил на холандскиот автопат А16.

Кога полицајците му рекле дека вози со 173 километри на час, тој рекол дека возел многу побрзо. Полицајците ја започнале потерата не само затоа што ги престигнал со брзина од 173 км/ч, туку и затоа што автомобилот веќе немал валидна регистрација од март 2021 година.

Возачот изјавил дека возел со 189 км/ч и тврдел дека неговиот автомобил може да оди многу побрзо. Потоа на полицијата и покажа видео на кое автомобилот возел со 220 км/ч.

Меѓутоа, бидејќи полицијата од видеото не можела да утврди дали тој возел со таа брзина и дека тој е возачот, не бил казнет за тој прекршок, пишува revijahak.hr Потоа се испоставило дека полскиот возач немал возачка дозола.

Тој исто така не можел да се идентификува и се покажало дека е под дејство на опијати. За сето наведено, возачот е казнет поради пребрзо возење, возење без дозвола, управување со автомобил без валидна регистрација и возење под дејство на опијати и алкохол.