ПРВА РЕАКЦИЈА НА УКРАИНА ПО ИЗЈАВАТА НА ПУТИН ЗА ПРЕКИН НА ОГНОТ: „Нема да прифатиме“

Рускиот претседател Владимир Путин денеска изјави дека се согласува со предлогот усвоен на состанокот на делегациите на САД и Украина за 30-дневен прекин на огнот со Украина.

Сепак, изјавата на Путин имаше многу „но“. По неговото обраќање следеше и првата реакција на Украина.

– Украина нема да прифати замрзнат конфликт – изјави Андриј Јермак, шеф на кабинетот на украинскиот претседател Володимир Зеленски.

Тој додаде дека „против такво сценарио се и нивните американски партнери“.

– Ние сме против Минск 3 и Европа ќе биде вклучена во мировниот процес – рече тој.

Обраќањето на Путин и сите вести и реакции за предлогот за примирје во Украина, прочитајте ги во нашиот блог во живо.

Претседателот на Америка, Доналд Трамп, исто така се огласи по изјавата на Путин.