Пукаат браните како на филм, не можат да ја задржат водата: Поплави и во Кина после обилните дождови!

Две брани во Хулунбуир во Внатрешна Монголија се срушија по обилните дождови, се вели во соопштението на кинеското Ресорно Министерство, повикувајќи се на загриженост поради безбедносните ризици во регионот со застарена инфраструктура.

Браните попуштиле во неделата попладне, а една од нив достигнала максимален капацитет, водата се излеала над врвот пред целиот резервоар да се испразни за неколку минути. Како што се додава, штетата е огромна.

На снимките објавени на социјалните мрежи забележан е моментот на пукање на браните и водата која ‘избувнува’ и поплавува сè пред резервоарот.

16,660 people were affected, 21,708 hectares of farmlands flooded, and 22 bridges destroyed after two reservoirs’ dams collapsed in Hulun Buir, North China’s Inner Mongolia on Sun after heavy rainfall. As of Mon afternoon, no human casualties have been reported. pic.twitter.com/1F1ZQhhCU7

— Global Times (@globaltimesnews) July 19, 2021

На останатите снимки исто така се гледа како водата најпрвин почнала да се излева на крајбрежјето, пред бариерата да попушти и да се сруши.

За среќа, кинеските власти потврдиле дека локалното население е евакуирано низводно и дека нема извештаи за жртви.

Evacuations as dams collapse in #Hulunbuir, Inner Mongoliahttps://t.co/ophVSlnchS

— RT (@RT_com) July 19, 2021

Градската влада на Хулунбуир соопштила дека поплавите зафатиле околу 16.660 луѓе и дека најмалку 53.807 хектари земјоделско земјиште биле под вода, како и дека многу е уништена инфраструктурата во областа.

1975年8月，河南省发生包括板桥水库在内的62座水库溃坝事件，淹死人数超过26000人。由此引发的瘟疫和饥荒，造成非正常死亡高达240000人。
板桥事件曾被评为世界十大技术灾难之首，超过了切尔诺贝利核电站泄露事件。
——
7月18日，内蒙古永安水库决堤溃坝。
7月18日，内蒙古新发水库决堤溃坝。 pic.twitter.com/KLPj74SPyz

— 李 庆 Qing Li (@LQ0068) July 19, 2021

Меѓутоа, многу животни останале заробени во поплавената област на границата меѓу Кина и Монголија. Полицијата била распоредена да помогне во спасувањето на повеќе од 1.000 овци кои останале опкружени со вода. Биле потребни околу три часа за да се спасат овие животни.

На почетокот на оваа година, кинескиот заменик министер, Веи Шанжонг изјавил дека скоро третина од резервоарите во земјата немаат задолжителна проценка на безбедноста поради недостаток на финансиски средства.

Низ Кина има над 98.000 резервоари што земјата ги користи за да спречи поплави, да произведува електрична енергија и да управува со пловидбата, но повеќе од 80 проценти од нив се постари од 40 години, што создава потенцијален безбедносен ризик, наведува владата на Пекинг.