Редовната ејакулација може да го намали ризикот од рак на простатата – еве зошто

Истражувањата сугерираат дека мажите кои ејакулираат почесто – околу 21 пат месечно – имаат до 31% помал ризик од развој на рак на простатата. Според најновите анализи, зголемената фреквенција на ејакулација може да го намали ризикот од рак преку подобрување на протокот на крв и чистење на потенцијално штетни материи во простатата.

Истражувањето кое вклучува податоци од над 150.000 мажи спроведени во последните три децении, покажува дека редовната ејакулација помага да се исфрлат штетните супстанции од ткивото на простатата, а со тоа и го намалува ризикот од болест. Во една од најпознатите студии од „Медицинскиот факултет Харвард,“ се откри дека мажите кои ејакулирале 21 или повеќе пати месечно имаат значително намален ризик од рак на простатата.

Ејакулацијата се смета дека придонесува за зачувување на здравјето на простатата и преку стимулирање на зголемен проток на кислород и хранливи материи кон простатата. Според студијата, ејакулацијата може да ја елиминира и акумулираната сперма која содржи канцерогени материи.

Како мастурбацијата влијае на здравјето на простатата?

Редовната ејакулација има и други позитивни ефекти врз здравјето на простатата. Студијата од Универзитетот во Бостон од 2016 година покажа дека честата ејакулација го поттикнува производството на цитрат – соединение кое помага да се елиминираат клетките на ракот на простатата.

И додека предизвиците како „No Nut November“ можат да бидат популарни, лекарите препорачуваат да не се следи долготрајно воздржување. За подобрување на сексуалното здравје, истражувачите препорачуваат и редовна хидратација и квалитетен сон, бидејќи и двата фактори влијаат на хормонската рамнотежа и циркулацијата, која е клучна за одржување на оптимална функција на простатата.