Скопје станува „див запад“ за сообраќајот: Каде е полицијата?

Скопје сѐ повеќе наликува на „див запад“ во сообраќајот, каде што правилата и прописите се игнорираат секојдневно. Брзото возење, минувањето на црвено светло и нерегулираниот сообраќаен метеж се сè почести сцени низ градските улици, додека полициското присуство се чини дека е значително намалено. Ова не само што загрозува безбедноста, туку го зголемува и бројот на сообраќајни инциденти во метрополата.

На неодамна објавено видео може да се види возило кое драстично го прекршува законот – минува на црвено со вклучени флешери во текот на работен ден, предизвикувајќи загриженост кај граѓаните. Она што предизвикува дополнителен страв е можноста возилото да припаѓа на службите на МВР, што би значело дека и самите државни службеници допуштаат ситуации кои ја нарушуваат безбедноста на сообраќајот.

Меѓутоа, не е исклучена можноста дека станува збор за цивилно возило со нелегално вградени флешери, што е уште еден алармантен проблем. Сè повеќе вакви возила се забележуваат низ Скопје, а нивното отсуство од полициските радарите само ја влошува ситуацијата, создавајќи несигурност кај возачите и пешаците кои се сведоци на ваквите прекршувања.

Граѓаните сѐ погласно го поставуваат прашањето: каде е полицијата?