Тајните на изборот на папата: Ритуалите зад затворените врати на Ватикан

Во моментов има 252 католички кардинали, но само 135 од нив имаат право на глас, бидејќи оние над 80 години може да учествуваат во дискусиите, но не и во гласањето.

Смртта на папата Фрањо го означи почетокот на процесот за избор на нов лидер на Католичката црква. Според Конференцијата на католичките бискупи на САД, кардиналите се собираат во Рим во рок од 15 до 20 дена по смртта на папата, за да изберат нов поглавар.

Купи Маица ❤

Во моментов има 252 кардинали, но само 135 имаат право на глас. Кардиналите кои се постари од 80 години можат да учествуваат во дискусиите, но немаат право на глас. Кардиналите прво присуствуваат на посебна миса, по што одат во Сикстинската капела, каде се обврзуваат на тајност и гласаат во приватност, до четири пати дневно, сè додека некој кандидат не добие две третини од гласовите.

Како функционира гласањето?

Секој кардинал на ливче го пишува името на избраниот кандидат, го витка двапати и го става во посебен пехар пред сликата на „Страшниот суд“ од Микеланџело. Гласањето се одвива во четири круга дневно, два наутро и два попладне. Тројца кардинали ги бројат и бележат гласовите. Ако никој не добие две третини, гласачките ливчиња се палат со хемикалии кои предизвикуваат црн чад.

Кога еден кандидат ќе добие две третини од гласовите, се пали бел чад што сигнализира дека е избран нов папа. Потоа најстариот кардинал објавува: „Habemus Papam!“ („Имаме папа!“), по што новиот папа излегува да го благослови собраниот народ.

Последната конклава

Последната конклава се одржа откако папата Бенедикт XVI поднесе оставка, што беше прва оставка на папа во последните речиси 600 години. Конклавата започна на 12 март 2013 година, а веќе следниот ден беше избран аргентинскиот кардинал Хорхе Марио Бергољо, кој го зеде името папа Фрањо.

Земји од кои потекнуваат папите

Според сајтот World Population Review, најголемиот број папи потекнуваат од Италија. Од вкупно 266 папи, 217 биле Италијанци. Од другите земји:

• 16 од Франција
• 6 од Германија
• 5 од Сирија
• 4 од Грција

Никогаш немало папа од САД.

Првиот папа во историјата

Според Ватикан, првиот папа бил свети Петар, еден од 12-те апостоли на Исус. Тој не бил избран со конклава како модерните папи, туку според традицијата, самиот Исус го назначил Петар за лидер на следбениците со зборовите: „Ти си Петар, и на таа карпа ќе ја изградам мојата Црква“ (Матеј 16:18). Современиот систем на конклавата е воведен дури во 13 век.