„Ти само биди доволно далеку“ – љубовната приказна зад култниот хит инспирирана од фатална белграѓанка

Песната „Ти само биди доволно далеку“ од „Генерација 5“, е култно музичко дело кое крие силна приказна за љубов и страст. Оваа песна е посветена на една од најубавите жени на поранешна Југославија – Јелена Тинска, за која цела држава шепотеше. Како што пишува „Стил“, оваа фатална жена го инспирирала пејачот Горан Милошевиќ да создаде еден од најпознатите хитови на групата.

Јелена е родена како Јелена Петровиќ, но во младоста го променила своето име во Јелена Тинска, име кое ќе го носи до крајот на својот живот. Таа била неверојатно талентирана танчерка, балерина и актерка, што ѝ донело голема слава во Југославија. Нема сомнеж дека нејзината појава на сцената, особено како дел од танцовата група „Локици“, која го придружувала Здравко Чолиќ, ја направи уште попопуларна.

„Локици“ беа дел од вистински спектакли, изведувајќи дури 120 концерти за 60 дена, а нивната атрактивна појава – облечени во тесни трикоа и со голи раменици – ги маѓепсуваше фановите. Но, Јелена секогаш привлекувала посебно внимание и постојано беше во центарот на медиумите.

 

View this post on Instagram

 

A post shared by Jelena Tinska (@jelena.tinska)

Нејзиниот љубовен живот беше исто толку интересен и бурен како и нејзината кариера. Таа првпат се омажила за својот прв дечко, Драгослав Лутовац, со кого имала две ќерки за само две години брак. Со традиционално воспитание и патријархални вредности, Јелена сметала дека мора да се омажи за Лутовац, бидејќи тој ѝ бил прва љубов. Но, судбината имала други планови. Кога нејзините ќерки имале две и пол и една и пол година, таа се заљубила во друг.

Тоа бил пејачот Горан Милошевиќ, фронтменот на тогаш многу популарната рок-група „Генерација 5“, познат и како Аполон. Нивната љубовна приказна започнала на сосема невообичаен начин. Фотографот Мики Величковиќ ѝ донел фотографии на Јелена, но меѓу нив биле и неколку фотографии на Горан. Штом ги видела фотографиите на Милошевиќ, таа веднаш го прашала фотографот кој е тој човек. Кога дознала дека е пејачот на „Генерација 5“, побарала да ѝ го даде неговиот телефонски број.

Јелена, без двоумење, го повикала Горан и му се претставила, но Милошевиќ помислил дека некој се шегува со него и веднаш ја спуштил слушалката. Сепак, упорната Јелена не се откажала. По неколку дена, се сретнале за првпат, и за Горан тоа било љубов на прв поглед. Нивната врска брзо стана главна тема на белградските чаршии, а тие беа нарекувани „најромантичниот пар“ во градот.

 

View this post on Instagram

 

A post shared by Jelena Tinska (@jelena.tinska)

Во тоа време, Јелена беше пејачка на рок-групата „Лутка“, па тие често си пееле еден на друг. Често возејќи се низ Белград на моторот на Горан, ги привлекувале погледите на сите. Нивната љубов беше страстна и интензивна, а Горан дури и ѝ ја посвети песната „Ти само биди доволно далеку“, која стана еден од најголемите хитови на „Генерација 5“.

Но, иако нивната љубов изгледала совршено, сепак завршила со скандал. Според приказните кои кружеле, Јелена го затекнала Горан во кревет со друга жена. Иако Милошевиќ објаснил дека не ја изневерил, тврдејќи дека таа е девојката на неговиот пријател која само преспала кај него, Јелена не му поверувала. Според гласините, таа се одмаздила со тоа што започнала афера со пријателот на Горан, чие девојка преспала кај Милошевиќ.

 

View this post on Instagram

 

A post shared by Jelena Tinska (@jelena.tinska)

Нивната врска конечно завршила кога Јелена во јуни го запознала сликарот Миќа Узелац, во јули се омажила за него, а веќе во август се развела. Овој брак бил мотивиран од нејзината желба да му се одмазди на Горан, но таа повторно се вратила кај него по разводот. Иако накратко продолжиле со врската, нивната љубовна приказна немала среќен крај.

Горан Милошевиќ, по овие бурни настани, се повлече од јавниот живот. Јелена, од друга страна, остана активна и до ден-денес е присутна на социјалните мрежи, каде што повремено го споделува споменот за нивната голема, но трагична љубов.