Хаос во Кина: Навивач го турна Ѓоковиќ, неговата реакција ги освои сите! (Видео)

Новак Ѓоковиќ го мачи обезбедувањето во Кина – не им дава мир! Тој пристигна во Шангај за да учествува на турнирот, на кој не играл веќе пет години. По победата во првиот круг против Американецот Алекс Микелсен, сега го чека дуел со Флавио Коболи или Стен Вавринка. Додека го чека следниот меч, Новак ја искористува можноста да се дружи со навивачите кои го обожуваат низ цела Азија.

Една сцена во Шангај ги воодушеви сите присутни. Новак се појави во холот пред голема група фанови, кои подготвено го чекаа со десетици топчиња, маички, постери и други предмети за потпис. Кога го здогледаа, веднаш започнаа возбудено да скандираат и викаат.

Обезбедувањето во Кина е доста строго и не сакаа да дозволат многу врева, за да не привлечат уште повеќе навивачи кои жеднеат за автограм или фотографија. Но, Новак не сакаше ни да слушне за тоа! Додека обезбедувачите се обидуваа да ја смират публиката, Ѓоковиќ создаде вистински хаос, охрабрувајќи ги сите да викаат уште погласно. Погледнете ја оваа весела ситуација:

Security asks the crowd to be quiet but Novak was having none of it. 😂
byu/Federal-Phrase6240 intennis

На крајот, Новак одвои време за секој поединечен фан и им удоволи на сите барања. Во еден момент, еден од навивачите дури и го турна, но Ѓоковиќ го прифати тоа со широка насмевка, како дел од шегата. Не е ни чудо што во Кина го обожаваат!