Весна Љ.
Едно прасе кое било на пат кон кланица доживеало неверојатен пресврт на судбината кога, по испаѓање од камион, било спасено од сочувствително семејство кое одлучило да му пружи нов дом и живот полн со љубов.
Судбината понекогаш навистина режира неверојатни и сосема неочекувани пресврти, а судбината на едно мало прасе била запечатена кога го натовариле во камион кој се упатил кон кланица, но благодарение на неочекуван сплет на околности, ова прасе сепак не завршило како колбаси, како што може да се види на снимката која се појави на социјалните мрежи.
Имено, животните биле натрупани едно до друго во кафез на камион на три ката, кога вратата се отворила и едно прасе од височина од три до четири метри паднало директно на асфалтот, а не е сосема јасно дали прасето само успеало да ја отвори лабавата врата во обид за бегство или вратата сама се отворила.
Сè било снимено од жена која со своето семејство се возела зад камионот, и несреќното животно се здобило со повреди од падот и останало на патот, но семејството во автомобилот не можело да го остави, па го внесле во автомобилот и го однеле кај најблискиот ветеринар, а не само тоа, туку решиле да го вдомат како домашно милениче и да му пружат сосема нов живот.
„Прасе кое испадна или избега од камион за кланица и најде среќен живот…“, стои во описот на оваа снимка, а семејството кое го вдомило толку многу го засакало прасето што тоа живеело со нив во куќата, го шетале, излегувало во дворот, се спријателило со мачката на соседите, и со еден збор станало миленик на целото семејство, па дури му направиле и мал базен за да може да се капе во текот на топлите летни денови, и како што може да се види на снимката, прасето во меѓувреме пораснало и станало огромна свиња, но сепак сакало да се гушка и да се гали со своите сопственици.
View this post on Instagram
