Што ќе се случи ако јадете две лажички мед секој ден?

Истражување објавено во Nutrition Reviews, покажува дека консумирањето мед може значително да го подобри нивото на шеќер и холестерол во крвта. Студијата, спроведена на 1.110 луѓе во текот на два месеца, покажа дека медот има позитивно влијание врз здравјето на срцето и помага во одржување на стабилни нивоа на шеќер и холестерол.

Испитаниците во истражувањето најчесто консумирале околу две лажички мед дневно, но се забележало дека сировиот, непроцесиран мед носи поголеми придобивки отколку преработениот мед. Иако медот содржи околу 80% шеќер, тој е богат со антиоксиданси, протеини и други биоактивни соединенија кои се исклучително корисни за организмот.

Придобивки од медот:

– Подобро ниво на шеќер и холестерол: Истражувањата покажуваат дека медот може да помогне во балансирање на овие параметри, што го прави корисен за срцевото здравје.

– Антиоксидантна заштита: Медот содржи флавоноиди и фенолни соединенија кои спречуваат згрутчување на крвта и го намалуваат ризикот од срцеви заболувања.

– Заштита од оксидативен стрес: Антиоксидансите во медот ги штитат клетките од оштетување предизвикано од слободните радикали.

Една до две лажички сиров мед дневно се доволни за да добиете здравствени придобивки и да внесете хранливи материи кои го поддржуваат здравјето на телото.